Ek Ladki Anjaani Si!!!

Jaise gulabon ki khushboo...
Jaise panchiyon ki guftagoo...
Fizaaon ki mehek si...
Hai ek ladki deewani si...

Jaise saat suron ka sangam...
Jaise barsaat ka surila mausam...
Jaise ruh ko sukoon deti saans...
Ek ladki hai dil ke paas...

Jaise suraj ki pehli kiran...
Jaise phoolon ki chuban...
Kare phika chaand ki sundarta ko bhi...
Aisi hai ye ladki mastaani si...

Jaise aasman se utar aayi ek pari...
Dil me sacchayi aur aankhein jagmag bhari...
Khushiyaan failaati har kahi...
Haan yeh ladki hai wahi...

Jiski baatein de dil ko rahat...
Jo dil me har pal jagaye chahat...
Jiski muskurahat roshan karde jahaan...
Aisi ladki hai aur kahaan...

Aankhon se jo keh de dil ki baat...
Jo aaye zehen mein din raat...
Jo de mujhe maksad jeene ki...
Haan wahi ladki afsara si...

Kisi zawaan me bhi wo lafz hi nahi...
Jo tareef kar paaye sahi...
Pari hai wo pyaari si...
Wo hai ek ladki anjaani si!!!