Tere Liye Main Hun Sada!!!

Duayein nikle mere dil se har pal...
Ki kushiyon se mehke tumhara kal...
Jhilmilati raho tum har pehar...
Aur milon door ho ghamon ka sehar...

Jab kabhi chaaye shab ka andhera...
Jamne lage dukhon ka dhera...
Zindagi se na kabhi hona khafa...
Kyunki tere liye main rahunga sada...

Jab chubne lage dil mein koi baat...
Jo dil ko tadpaaye har raat...
Bas ek baar keh dena mujhe...
Aur pal bhar mein hansa dunga tujhe...

Jab kabhi behcainiyon se bhar jaaye man...
Jab lage dil mein bhari tadpan...
Bas pukaarna mujhe ek dafa...
Aur dur bhaga dunga dard ka falsafa...

Khamoshiyan tanhaayiaan ho jaayengi sab kam...
Tum bas dena mujhe apne saare gham...
Tumko daaman na bhigone dunga...
Aur kabhi tumko na rone dunga...

Chahe ho khushiyon se raushan samaa...
Ya raahein ho uljhanon se bhara...
Saja dunga tere hoton pe hansi...
Aur bicha dunga teri raahon mein khushi...
Aur ek dost ek khwaab ek ehsaas bankar...
Tere liye main rahunga sada!!!