Kuch Jazbaat lafzon me bayaan!!

Tum Bas Gayi
"Ankhon me basa hai tera hi chehra...
Sanson me basa hai tera hi ek naam...
Dhadkan pe bhi ab hai tumhara hi pehra....
Ab bas tumhari yaad aati hai subah shyam!!!"

Waqt Ka Khel
"Waqt ka khel hum na samaj paaye....
Is uljhan ko hum na suljha paaye...
Kya karien yeh kambhakt dil toh...
Kabhi aapko na bhula paaye!!!"

Yeh Intezaar
"Guzar rahe hain din aur raat aapki yaad me....
Jee rahe hain hum bas aapke intezaar me...
Ab kya karein humara dil...
Toh kho gaya hai aapke pyaar me!!!"

Zindagi Ka Noor
"Kuch is kadar chada hai aapka suroor...
Ab na humein kisi cheez ka guroor...
Ab bas yahi jaante hain...
Ki aap hain humare zindagi ka noor!!!"

Ajab Ehsaas
"Na jaane yeh kaisa ehsaas hai...
Door hoke bhi koi dil ke paas hai...
Bas khoye rehte hain din raat...
Na hota aur koi aabhaas hai!!!"

Tanhaayiaan
"Dil ki har dhadkan mujhse kahe...
Ab yeh dard-e-judai kaise sahe...
Bardasht na ho ab yeh dooriyan...
Ab bas mit jaaye yeh tanhayiaan!!!"

Ehsaas
"Yeh kaisa hai ehsaas...
Tum hi tum ho dil ke paas...
Kya karien neend hai ki aati nahi...
Tumhare bina ab bas le rahe hain saas!!!"

Tum Jo Aa Gayi
"Zindagi me tum jo aa gayi...
Toh charoon aur bahaar cha gayi...
Ek hawa ke jhonke si aayi...
Aur jivan ko noor se bhar gayi!!!"

Yeh Furkat
"Aapki yaadien jiya tadpaaye...
In aankhon me neend na aaye..
Aapke khayalon se na mil paaye fursat...
Ab sahi na jaaye yeh khambakt furkat!!!"

Zindagi Kahin Gum
"Zindagi kahin gum hai aapki hi yaadon me...
Aapke hi khayal hai humare din raaton me...
Ab kya bataye haal-e-dil...
Yeh toh dhadakta hai aapke hi intezaar me!!!"

Itne saare ek saath hazam kar pane me mushkil hogi.....par aur koi chara nahi tha....aadha aadha karke do-do posts nahi banana chahta tha....chalo aasha hai ki yeh rachnayein pasand aaye aap logon ko....